سپریم کورٹ وچ الیکشن تے فوجی عدالتاں دے کیس مقرر ہون والے ہیں،چیف جسٹس

اسلام آباد(پنجابی میڈیا گروپ)سپریم کورٹ وچ وڈھے کیساں دی سماعت کرن دا فیصلہ ہوگیا، چیف جسٹس پاکستان قاضی فائز عیسی نے عام الیکشن تے فوجی عدالتاں دے کیس مقرر کرن دا عندیہ دے دتا۔پریکٹس اینڈ پروسیجر قنون اُتے فیصلہ نہ ہونے پارون ہُن تک اہم مقدماں دی سماعت نہیں ہو رہی سی،چیف جسٹس پاکستان قاضی فائز عیسی دی سربراہی وچ 3 رکنی بنچ نے پاک عرب ریفائنری ملازم کیس اُتے سماعت کیتی،دوران سماعت ملازم دے وکیل نے استدعا کیتی کہ پاک عرب ریفائنری ملازماں دا کیس15دناں دے بعد مقررکر دیو،التوا دی استدعااُتے چیف جسٹس پاکستان قاضی فائز عیسی نے اہم ریمارکس دیندیاں ہویاں آکھیا کہ سپریم کورٹ وچ عام الیکشن تے سویلینز دے فوجی عدالتاں وچ ٹرائل دے کیس مقرر ہون والے نیں، سپریم کورٹ وچ مشکل مقدمے آن والے نیں جس دے دوران ہور کیس سننا مشکل ہوئے گا،ایس کیس نوں 2مہینیاں بعد مقررکرن گے،سپریم کورٹ نے پاک عرب ریفائنری دے کیس نوں 2مہینیاں لئی ملتوی کردتا۔