ٹیکس دہندگان دی سہولت لئی خصوصی کمیٹی قائم

اسلام آباد( پنجابی میڈیا گروپ) فیڈرل بورڈ آف ریونیو(ایف بی آر)نے ٹیکس دہندگان نوں سیلز ٹیکس گوشوارے جمع کروان دی سہولت فراہم کرن بارے سنگل پورٹل ڈیزائن تے ڈیولپمنٹ و عمل درآمد لئی خصوصی کمیٹی قائم کر دتی جس تحت 3ٹیماں تشکیل دتیاں گئیاں نیں۔ایہ کمیٹی پہلے مرحلے وچ31اکتوبر 2023تک ایف بی آر تے پنجاب ریونیو اتھارٹی لئی ٹیلی کام سیکٹر بارے وچ سنگل پورٹل سیلز ٹیکس ریٹرن فائلنگ سسٹم ڈیزائن کرکے عمل درآمد کروائے گی جدکہ دُوجے مرحلے وچ 31مئی2024 تک فیڈرل بورڈ آف ریونیو تے ساریاں صوبائی ریونیو اتھارٹیاں لئی ساریاں شعبیاں بارے سنگل سیلز ٹیکس ریٹرن فائلنگ پورٹل ڈیزائن و ڈویلپمنٹ کرکے عملدرآمد کرائے گی۔ایس حوالے نال میڈیا دے مطابق فیڈرل بورڈ آف ریونیو ولوں قائم کردہ خصوصی کمیٹی 8 ارکاناں اُتے مشتمل اے جنہاں نوںہور3 ٹیماں وچ تقسیم کیتا گیا اے۔ ٹیم شیر سلیم طارق، ڈاکٹر ناصر خان تے عامر امین بھٹی اُتے مشتمل ہوئے گی جدکہ دُوجی ٹیم ایس سیلز ٹیکس ریٹرنگ فائلنگ دے سنگل پورٹل اُتے عملدرآمد لئی قائم کیتی گئی اے۔ایہ ٹیم ذین العابدین ساہی دی سربراہی وچ قائم کیتی گئی اے۔ ٹیم دے دُوجے ممبراں وچ مہوش خان، فرحان اظہر تے شاہد شریف شامل ہون گے جدکہ تیجی ٹیم 2اراکاناں اُتے مشتمل ہوئے گی جنہاں وچ محمد خالد جمیل تے سعدیہ کمال شامل ہون گیاں۔