آمدنی توں وَدھ اثاثے:کیس وچ اسحاق ڈار بری

اسلام آباد( پنجابی میڈیا گروپ)احتساب عدالت اسلام آباد نے ن لیگی رہنما اسحاق ڈار نوں شریک ملزماں سنے آمدنی توں وَدھ اثاثہ جات کیس وچ بری کردتا۔احتساب عدالت اسلام آباد وچ اسحاق ڈار خلاف آمدنی توں وَدھ اثاثہ جات کیس دی سماعت ہوئی۔نیب پراسکیوٹر نے آکھیا کہ اسحاق ڈارخلاف کرپشن ثبوت نہیں کیس ہور نہیں چلایا جاسکدا۔جج محمد بشیر نے ریمارکس دتے کہ نیب پراسکیوٹر جنرل ایس نکتے اُتے تحریری طور وضاحت دیون ، اسحاق ڈارسنے ہور ملزماں دی بریت اُتے اعتراض نہیں تے لکھ کے دیون ، کل نیب آکھے کہ اسیں تے ایسا کجھ نہیں آکھیا سی۔نیب پراسکیوٹر افضل قریشی نے آکھیا کہ اسیں میرٹ اُتے دلائل دتے نیں عدالت فیصلہ سنا دیوے۔ نیب پراسکیوٹر نے تحریری بیان عدالت وچ جمع کروا دتا۔احتساب عدالت دے جج محمد بشیر نے کیس دافیصلہ سناندیاں ہویاں اسحاق ڈار، اونہاں دے شریک ملزم سابق صدر نیشنل بینک سعید احمد، منصور رضا تے محمد نعیم نوں بری کردتا۔احتساب عدالت نے فیصلہ سنادیاں ہویاں آکھیاکہ نیب بیان دی روشنی وچ ایہ ریفرنس ختم کیتا جارہیا اے۔