سائفرگمشدگی کیس:عمران خان تے شاہ محمود قریشی اُتے فرد جرم عائد

راولپنڈی( پنجابی میڈیا گروپ)خصوصی عدالت نے سائفر گمشدگی کیس وچ چیئرمین تحریک انصاف عمران خان اُتے فرد جرم عائد کر دتی۔آفیشل سیکرٹ ایکٹ تحت خصوصی عدالت دے جج ابو الحسنات ذوالقرنین نے اڈیالہ جیل وچ سائفر کیس دی سماعت کیتی۔ عدالت نے چیئرمین پی ٹی آئی دی فرد جرم عائد نہ کرن دی درخواست مسترد کردتی۔ سابق وزیر خارجہ شاہ محمود قریشی اُتے وی فرد جرم عائد کردتی گئی۔چییرمین پی ٹی آئی نے فرد جرم صحت توں انکار کردیاں ہویاں موقف اختیار کیتاکہ ایہ جھوٹا، من گھڑت تے سیاسی انتقام اُتے مبنی کیس اے بے گناہی ثابت کراں گا۔سابق وزیر خارجہ تے پی ٹی آئی دے رہنما شاہ محمود قریشی نے وی فرد جرم صحت توں انکار کر دتا۔عدالت نے نوٹس جاری کردیاں ہویاں27اکتوبر نوں سرکاری گواہواں نوں سدھ لیا۔چیئرمین پی ٹی آئی نے جج نال مکالمے وچ آکھیا کہ قوم نوں مبارک ہوئے کہ مینڈیلا واپس آگیا اے۔چییرمین پی ٹی آئی تے شاہ محمود قریشی نے نقل وصول کر کے دستخط وی کر دتے سن۔سائفر کیس دی سماعت اُتے اڈیالہ جیل دے باہر سیکورٹی دے انتہائی سخت اقدام کیتے گئے۔