چین دی سرمایہ کاری نال معیشت مضبوط ہوئے گی ، نگران وزیراعظم

اسلام آباد(پنجابی میڈیا گروپ)نگران وزیراعظم انوارالحق کاکڑ نے آکھیا اے کہ چین نال تعلقات بہت اہمیت رَکھدے نیں،چین دی سرمایہ کاری نال میعشت مضبوط ہوئے گی۔نگران وزیراعظم انوارالحق کاکڑ نے دورہ چین بارے پریس کانفرنس کردیا ہویاں آکھیا کہ چین دا دورہ خوشگوار رہیا، حالیہ دورہ چین وچ صدر شی پنگ نال ملاقات انتہائی مثبت رہی ۔اونہاں نے آکھیا کہ دورہ چین وچ نجی کمپنیاں ولوں سرمایہ کاری اُتے سنجیدگی ظاہرکیتی گئی، ساڈھے20 دے نیڑے ایم او یوز سائن ہوئے نیں ، اک عرصے بعد چین دے نال اینہی وڈھی تعداد وچ سمجھوتے ہوئے، چین نال ہون والے سمجھوتیاں دا تواتر پاکستان دے مفاد وچ اے۔انوار الحق کاکڑ نے آکھیاکہ پاکستان پرعزم اے کہ حالیہ ملاقات بعد سی پیک دا تسلسل جاری رکھے گا ، سی پیک دے دُوجے مرحلے وچ چین دیاں نجی کمپنیاں وی سرمایہ کاری کرن گیاں، سی پیک منصوبیاں دی رفتار تیز ہون نال معاشی و معاشرتی ترقی وچ بہتری آئے گی، سی پیک دوناں ملکاں دے وچکار رابطیاں نوںہور فروغ دے رہیا اے۔نگران وزیراعظم نے آکھیا کہ حالیہ دورے وچ کابینہ ارکاناں نے وی پاک چین تعلقات دی بہتری وچ بھرپور معاونت کیتی اے۔