بغاوت کیس: فوادچودھری دی درخواست بریت اُتے سماعت ملتوی

اسلام آباد( پنجابی میڈیا گروپ)اداریاں خلاف بغاوت اُتے اُکسان دے کیس وچ درخواست بریت اُتے سماعت فواد چودھری دی عدم حاضری پاروں25اکتوبر تک ملتوی کردتی گئی ڈسٹرکٹ اینڈ سیشن کورٹس اسلام آباد وچ فواد چودھری خلاف اداریاںخلاف بغاوت اُتے اُکسان دے کیس وچ درخواست بریت اُتے سماعت جج طاہر عباس سپرا نے کیتی ۔سابق وفاقی وزیر فواد چودھری دے بھائی وکیل فیصل چودھری عدالت ساہمنے پیش ہوئے ، عدالت وچ وکیل فیصل چودھری نے سماعت ملتوی کرن دی استدعا کر دتی ۔فیصل چودھری نے فواد چودھری دی حاضری توں استثنی دی درخواست دائر کردتی جس وچ موقف اختیار کیتا گیا کہ فواد چودھری طبعیت ناسازی پاروں عدالت پیش نہیں ہوسکدے ،استدعا اے کہ حاضری توں استثنی منظور کیتی جائے۔عدالت نے فواد چودھری خلاف کیس دی سماعت 25 اکتوبر تک ملتوی کر دتی۔3اکتوبر نوں سابق وفاقی وزیر فواد چودھری نے اسلام آباد دی مقامی عدالت وچ زیر سماعت سرکاری ملازماں نوں بغاوت اُتے اُکسان دے کیس وچ بریت دی درخواست دائر کیتی سی۔