آسیان دے نال مکمل ڈائیلاگ پارٹنرشپ چاہندے ہاں،نگران وزیرخارجہ

اسلام آباد( پنجابی میڈیا گروپ)نگران وزیر خارجہ جلیل عباس جیلانی نے آکھیا اے کہ پاکستان جنوب مشرقی ایشیائی ملکاں دی تنظیم آسیان دے نال تعلقات نوں انتہائی اہمیت دیندا اے، آسیان دے نال مکمل ڈائیلاگ پارٹنرشپ چاہندے ہاں۔انسٹی ٹیوٹ آف سٹریٹجک سٹڈیز اسلام آباد(آئی ایس ایس آئی) وچ آسیان کارنر دے افتتاح اُتے خطاب کردیاں ہویاں آکھیاکہ چین پاکستان اقتصادی راہداری منصوبہ(سی پیک)علاقائی رابطے لئی بوہت اہمیت رَکھدا اے، پاکستان آسیان دے ساریاں ملکاں دے نال باہمی فائدہ اُتے مبنی تعلقات دا خواہشمند اے۔وزیر خارجہ نے آکھیا کہ سارک تنظیم نوں آسیان ونگوں بنایا گیا سی لیکن بھارتی رویئے نے سارک نوں غیر فعال بنادتا اے، پاکستان آسیان دے اصولاں دی مرکزیت دی مکمل حمایت کردا اے۔اونہاں نے آکھیا کہ پاکستان نے حال ہی وچ آسیان ملکاں دے سفارتکاراںلئی تربیتی پروگرام داا نعقاد کیتا، امن وسلامتی لئی سماجی تے اقتصادی ترقی ضروری اے، پاکستان بلاک پالیٹیکس توں دور رہنا چاہندا اے تے اوہ ملٹی لیٹلرازم اُتے یقین رکھدا اے۔