کاروباری ہفتے دے شروع اُتے سونے دی قیمت وَدھ گئی

لہور( پنجابی میڈیا گروپ)پاکستان وچ نویں کاروباری ہفتے دے شروع اُتے سونے دے ریٹ وچ ودھا ہویا اے۔خیال رہے کہ پچھلے ہفتے سونے دی قیمت وچ ودھا ویکھن وچ آیا سی۔آل پاکستان جیمز اینڈ جیولرز ایسوسی ایشن مطابق 23 اکتوبر نوں 1 تولہ سونے دی قیمت وچ1250 روپے دااضافہ ہویا۔ایس ودھا دے بعد اک تولہ سونے دی قیمت 2 لکھ 9 ہزار 600 روپے ہوگئی اے۔10 گرام سونے داریٹ1072 روپے وَدھ کے1 لکھ 79 ہزار 698 روپے ہوگیا۔عالمی منڈی وچ وی سونے دا ریٹ 9 ڈالرودھا ہویا تے اوہ 2001ڈالر فی اونس ہوگیا۔خیال رہے کہ 16 توں 23 اکتوبر یعنی اک ہفتے دوران اک تولہ سونے دی قیمت وچ ساڑھے 9 ہزار روپے دا ودھا ہو چکیا اے۔16 اکتوبر نوں ملک وچ 1 تولہ سونے دا ریٹ2 لکھ 100 روپے سی۔