منی لانڈرنگ کیس: پرویز الہی نوں اج وی عدالت پیش نہیں کیتا گیا

لہور ( پنجابی میڈیا گروپ) منی لانڈرنگ کیس وچ گرفتار صدر پاکستان تحریک انصاف و سابق وزیراعلی پنجاب چودھری پرویز الہی نوں اج وی ایف آئی اے سینٹرل کورٹ وچ پیش نہ کیتا جا سکیا۔ایف آئی اے سینٹرل کورٹ وچ سابق وزیراعلی پنجاب پرویز الہی تے اونہاں دے بیٹے مونس الہی سنے ہوراں دے خلاف منی لانڈرنگ کیس دی سماعت ہوئی۔اڈیالہ جیل حکام نے صدر تحریک انصاف دی میڈیکل رپورٹ عدالت جمع کروائی، میڈیکل رپورٹ وچ دسیا گیا اے کہ پرویز الہی سفر کرن لئی فٹ نہیں ایس لئی راولپنڈی توں لہوردا لمبا سفر نہیں کرسکدے، طبی بنیاداںاُتے پرویز الہی نوں اج ایف آئی اے کورٹ وچ پیش نہیں کیتا جائے گا۔واضح رہے کہ عدالت نے اج جیل حکام نوں سمن کردیاں ہویاں پرویز الہی نوں پیش کرن دا حکم دے رکھیا سی۔