امریکا، برطانیہ، فرانس، جرمنی، اٹلی تے کینیڈا، اسرائیل دی حمایت لئی پرعزم

لندن( پنجابی میڈیا گروپ)امریکا، برطانیہ، فرانس، جرمنی، اٹلی تے کینیڈا نے سانجھے بیان وچ اسرائیل دی حمایت جاری رکھن لئی پُر عزم نیں۔ ایہ سانجھا بیان امریکی صدر جو بائیڈن دے اتحادی رہنماواں نال ٹیلیفون اُتے گل گل بات بعد سامنے آیا۔بیان وچ اسرائیل نال عالمی قنون دی پاسداری تے شہریوں دے تحفظ اُتے وی زور دتا گیا اے۔دُوجے پاسے اسرائیل نے حملے روکن توں انکار کر دتا اے، اعلی صیہونی عہدیدار نے آکھیا اے کہ امریکا ولوں جنگ مخر کرن دے مطالبے توں آگاہ نہیں،انسانی امداد نوں حماس نوں ختم کرن دیاں کوششاں وچ رکاوٹ بنن نہیں دتا جاسکدا۔رات گئے اسرائیلی فضائیہ نے غزہ اُتے ہور بمباری کیتی اے، صیہونی حملیاں وچ شہید فلسطینیاں دی تعداد 4 ہزار 7 سو توں تجاوز کرگئی اے، شہیداں وچ40 فیصد معصوم بال شامل نیں۔غزہ وچ کم کرن والی اقوام متحدہ پناہ گزین ایجنسی دے استاداں سنے29 اقوام متحدہ دے اہلکاروی جاں بحق ہون والیاں وچ شامل نیں۔ اسرائیلی بمباری نال غزہ دیاں 31 مسجداں وی شہید ہویاں نیں۔اسرائیلی ٹینک نے رفح کراسنگ دے نیڑے مصری چیک پوسٹ نوں وی نشانہ بنایا جس پاروں امدادی سامان دی ترسیل کجھ دیر لئی روک دتی گئی لیکن بعد وچ رفح کراسنگ توں امدادی سامان دے ٹرکاں دا دُوجا قافلہ غزہ وچ داخل ہوگیا، قافلے وچ امدادی سامان دے 17 ٹرک شامل نیں۔