وفاقی وزیر قنون فروغ نسیم عہدے توں مستعفی

اسلام آباد: وفاقی وزیر قنون و انصاف بیرسٹر فروغ نسیم نے اپنے عہدے توں استعفیٰ دے دتا اے تے ہن اوہ سپریم کورٹ وچ زیر سماعت جسٹس قاضی فائز عیسیٰ ریفرنس وچ وفاق دی نمائندگی کرن گے۔

ایس حوالے نال بیرسٹر فروغ نسیم نے اپنے بیان وچ آکھیا اے وزیراعظم دی عرضی تے جسٹس قاضی فائز عیسیٰ دے خلاف صدارتی ریفرنس وچ بطور وکیل پیش ہوواں گا۔

میں کیس وچ وفاق دی نمائندگی کراں گا تے ایسے لئی میں وزیر قنون دی حیثیت توں استعفیٰ دتا، وزیر قنون دی حیثیت نال میں ہمیشہ قرآن، حدیث تے آئین پاکستان دی روشنی وچ فیصلے کیتے، میں کدی اجیہا کوئی کم نہیں کیتا جہڑا قنون دی حکمرانی دے منافی ہووے۔

بیرسٹر فروغ نسیم دا کہنا سی میری کسے وی بندے، جج، بار کونسل یا وکیل دے نال کوئی ذاتی مخالفت نہیں اے۔ ایتھوں تک کہ جسٹس قاضی فائز عیسیٰ دے نال وی کوئی ذاتی مخالفت نہیں اے، میں معزز عدالت وچ معاونت لئی صرف اک وکیل دی حیثیت نال حاضر ہوواں گا۔