غزہ دی صورتحال اُتے اقوام متحدہ دی جنرل اسمبلی دا اجلاس

جنیوا(پنجابی میڈیا گروپ) اقوام متحدہ دی جنرل اسمبلی دا اجلاس جمعرات نوں ہوئے گا جس وچ اسرائیل غزہ دی صورت حال اُتے تبادلہ خیال کیتا جائے گا۔عالمی خبر رساں ادارے دے مطابق اقوام متحدہ دی سلامتی کونسل دے صدر نے رکن ملکاں نوں لکھے گئے اک خط وچ اعلان کیتا اے کہ اسرائیل اُتے حماس دے حملے بعد وچ پیدا ہون والی صورت حال اُتے کونسل دا اجلاس جمعرات نوں ہوئے گا۔اقوام متحدہ دی سلامتی کونسل ہُن تک اسرائیل حماس جنگ بارے کسی قرارداد اُتے اتفاق کرن وچ نکام رہی اے۔پچھلے ہفتے ہون والا اجلاس بے نتیجہ ثابت ہویا سی۔جس وچ روس دے انسانی بنیاداں اُتے جنگ وچ موقف دے مطالبے دے مسودے دے متن دی 15 وچوں صرف 5 رکن ملکاں نے حمایت کیتی سی ، امریکا، برطانیہ تے فرانس نے ایس متن وچ حماس دی مذمت نہ کرن نوں ناقابل قبول غلطی قرار دتا سی۔روس دا مسودہ مسترد ہون دے بعد امریکا نے برازیل ولوں پیش کیتی گئی دُوجے قرارداد نوں ایس اعتراض دے نال ویٹو کر دتا کہ اوس دے بقول متن وچ اسرائیل دے اپنے دفاع دے حق دا ذکر نہیں سی۔