ساریاں اسرائیلی یرغمالیاں دی رہائی تک غزہ اُتے بمباری جاری رہے گی،امریکا

واشنگٹن(پنجابی میڈیا گروپ) امریکی صدر جوبائیڈن نے آکھیا اے کہ حماس دے ساریاں اسرائیلی اُتے غمالیوں نوں رہا کرن تک غزہ وچ جنگ بندی نہیں ہوئے گی۔عالمی خبر رساں ادارے مطابق امریکی صدر جوبائیڈن نے وائٹ ہاوس وچ پریس کانفرنس کردیاں ہویاں آکھیا کہ غزہ وچ اسرائیلی بمباری دے بند ہون دے امکان نوں مسترد کردتا۔صدر جوبائیڈن نے آکھیا کہ غزہ وچ جنگ بندی صرف اوس ویلے ہوسکدی اے جَد حماس یرغمال بنائے گئے ساریاں اسرائیلیاں تے غیر ملکیاں نوں رہا نہیں کردیندا۔ آخری یرغمالی دی رہائی تک جنگ جاری رہے گی۔اجے امریکی صدر نے ایہ گل آکھی تے اُدھر اونہاں نوں ایہ اطلاع دتی گئی کہ حماس نے 2بزرگ عورتاں یرغمالیاں نوں رہا کردتا جس اُتے صدر جوبائیڈن پریس کانفرنس ایہ کہہ کے چھڈ گئے کہ مینوں سیچویشن روم وچ جانا اے جیتھے کجھ نویں اطلاعواں آیاں نیں۔صدر جوبائیڈن نے ہور آکھیا کہ مینوں ایس نویں مسئلے توں نمٹنا اے۔ تہاڈے نال فیر گل ہوئے گی۔