راولپنڈی توں اسلام آباد جان والی میٹروبس حادثے دا شکار،کئی مسافر زخمی

راولپنڈی(پنجابی میڈیا گروپ)راولپنڈی توں اسلام آباد جان والی میٹروبس حادثے دا شکار ہوگئی جس پاروںکئی مسافر زخمی ہوگئے۔پلس دا کہنا اے کہ حادثہ ڈرائیور دی مبینہ غفلت پاروں پیش آیا۔پلس حکام مطابق ڈرائیور فیض احمد فیض سٹاپ اُتے سنگل ٹریک اُتے غلط اوورٹیک کر رہیاسی، اوورٹیک کردیاں ہویاں میٹرو بس باونڈری وال نال ٹکرا گئی، جس پاروں میٹرو بس دے شیشے ٹٹ گئے تے کئی افراد زخمی ہوگئے۔واقعے دی اطلاع ملدیاں ہی پلس تے ریسکیو دیاں ٹیماں جائے حادثہ اُتے پہنچ گئیاں تے زخمیاں نوں ہسپتال منتقل کردتا گیا، لیکن خوش قسمتی نال کوئی جانی نقصان نہیں ہویا۔