اقوام متحدہ دے قیام نوں 78ورھے مکمل، کشمیر دے معاملے اُتے مکمل خموشی

نیویارک(پنجابی میڈیا گروپ)اقوام متحدہ دے قیام نوں78ورھے مکمل ہوگئے نیں جدکہ کشمیر دے معاملے اُتے دانستہ خموشی برقرار اے،5 قراردادں منظور ہون دے باوجود ہندوستان کشمیریاں نوں حق خودارادیت نہیں دے سکیا۔اقوام متحدہ دا قیام اکتوبر 1945 وچ ہویا، ہندوستان نے اقوام متحدہ دی قرارداداں دی کھلی خلاف ورزی کردیاں ہویاں کشمیر نوں 1948 وچ ناجائز طوراُتے ضم کرلیا۔عالمی ادارہ ہُن تک مسئلہ کشمیراُتے5 قرارداداں منظور کر چکیا اے، اقوام متحدہ دیاں اینہاں قرارداداں دے باوجود ہندوستان کشمیریاں نوں حق خودارادیت نہیں دے سکیا۔مقبوضہ کشمیر وچ ہُن تک اڑھائی لکھ کشمیری شہید تے ڈیڑھ لکھ گرفتاریاں ہو چکیاں نیں، ہندوستان دے غاصبانہ قبضے خلاف اقوام متحدہ نوں ٹھوس اقدام کرن دی لوڑاے۔