لوکاں نال بھریا کمرہ عدالت ویکھ کے چیف جسٹس پاکستان برہم

اسلام آباد: چیف جسٹس پاکستان جسٹس گلزار احمد بھریا ہویا کمرہ عدالت ویکھ کے برہم ہو گئے۔

چیف جسٹس گلزار احمد دی سربراہی وچ سپریم کورٹ دے فاضل بنچ نے مارگلہ ہلز تعمیرات کیس دی سنوائی کیتی۔

دوران سماعت کمرہ عدالت لوکاں تے وکیلاں نال بھر گیا۔

چیف جسٹس بھریا ہویا کمرہ عدالت ویکھ کے برہم ہوئے۔ اوہناں نے ریمارکس دتے کہ سماجی فاصلہ کیوں نہیں رکھیا جا رہیا، اک نشست چھڈ کے بیٹھو۔

وکلاءتے صحافی وی سماجی فاصلہ رکھن، جہناں دا کیس اے صرف اوہی لوک کمرہ عدالت وچ رکن۔

اسیں نہیں چاہندے کہ عدالت وچ اجیہا کجھ ہووے۔