ای سی او اجلاس: وزیراعظم دا غزہ وچ جاری جنگ فوری بند کرن دا مطالبہ

تاشقند(پنجابی میڈیا گروپ)نگران وزیراعظم انوار الحق کاکڑ نے آکجھیا اے کہ اسرائیلی جارحیت دی شدید مذمت کردے ہاں ، معصوم بالاں تے عورتاں نوں نشانہ بنایا جا رہیا اے، غزہ وچ جاری جنگ فوری طور اُتے بند ہونی چاہیدی اے۔تاشقند وچ ہون والے اقتصادی تعاون تنظیم (ای سی او)دے سربراہی اجلاس نال خطاب کردیاں ہویاں انوار الحق کاکڑ دا کہنا سی کہ ای سی او کی 16 ویں سربراہی کانفرنس وچ پاکستان دی نمائندگی کرنا میرے لئی اعزاز اے، پاکستانی وفددا والہانہ استقبال کرن اُتے خراج تحسین پیش کردا ہاں۔اونہاں نے آکھیا کہ اقتصادی تعاون تنظیم خطے دی ترقی لئی اہم فورم اے، خطے وچ تجارتی سرگرمیاں نال ہی ترقی ممکن اے، ای سی او ممبر ملک معدنی وسائل نال مالا مال نیں، ای سی او ملکاں دے وچکار تجارتی راہداریاں اہم کردار ادا کر رہیاں نیں۔انوار الحق کاکڑ دا کہنا سی کہ ای سی اوریجن وچ ہور سرحدی تے تجارتی راہداریاں دی لوڑ اے۔