9 مئی دے ٹولے نوں کڈ کے پی ٹی آئی نال گل بات کرن لئی تیار ہاں: رانا ثنا اللہ

لہور( پنجابی میڈیاگروپ)مسلم لیگ ن پنجاب دے صدر تے سابق وفاقی وزیر رانا ثنا اللہ نے آکھیا کہ9 مئی دے ٹولے نوں کڈ کے پی ٹی آئی نال گل کرن لئی تیار ہاں۔مسلم لیگ ن پنجاب دے صدر تے سابق وفاقی وزیر رانا ثنا اللہ نے آکھیا کہ ساڈھا یہ ظرف نہیں کہ اونہاں نوں جیل وچ دوایاں تے کھانا بند کر دیئے، ساڈا پی ٹی آئی چیئرمین توں سوال اے کہ اوہ کہندے رہے جیل وچ کوئی کلاس نہیں ہونی چاہیدی بلکہ سب کلاساں ختم کر دینیاں چاہیدیاں، چیئرمین پی ٹی آئی اڈیالہ جیل وچ ویکھ لین جیہڑا اونہاں دے نال سلوک ہویا اوہی سلوک دُوجیاں دے نال وی ہویا۔سابق وفاقی وزیرنے آکھیا کہ پارٹی دے صدر شہبازشریف ہی نیں نوازشریف پارٹی دے قائد نیں، جنوبی پنجاب دا جائزہ لیا اوتھے چنگی پوزیشن اے ، مسلم لیگ ن وچ نویں لوگ شامل ہو رہے نیں، ساریاں حلقیاں وچ تگڑے امیدوار کھڑے ہون گے، ساہنوں امیدواراں دی کوئی کمی نہیں اے، چنائو وچ دشواری ہو رہی اے۔