رون دھون نال کجھ نہیں ہوئے گا،شہبازشریف

کوئٹہ( پنجابی میڈیا گروپ)سابق وزیراعظم شہبازشریف نے آکھیا اے کہ اسیں ملک نوں دیوالیہ ہون توں بچایا، ریاست بچ گئی سیاست وی بچ جائے گی، رون دھون نال کجھ نہیں ہوئے گا اک دُوجے اُتے الزام دی بجائے اگے ودھناچا ہیدااے۔کوئٹہ وچ میڈیا نال گل بات کردیاں ہویاں صدر مسلم لیگ ن تے سابق وزیراعظم شہبازشریف نے آکھیا کہ اج اپنے بھائی نواب اسلم رئیسانی تے حاجی لشکری رئیسانی نوں ملن آیا ہاں، ساڈھا ایس خاندان نال 50ورھیاں توں تعلق اے، سیاست اپنی جگہ خاندانی تعلق دا ہمیشہ احترام کیتا ، حاجی لشکری رئیسانی نوں دعوت دین آیا ہاں ن لیگ وچ شامل ہون۔اونہاں نے آکھیا کہ بلوچستان دے بوہت سارے سیاسی اکابرین نے ن لیگ نوں جوائن کیتا اے، ساہنوں مل کے ایس صوبے نوں خوشحال بنانا اے، ساہنوں مل کے سیاسی،معاشی تے معاشرتی مسائل حل کرنے نیں، میاں نوازشریف اج صرف اک سیاستدان نہیں اک مدبر نیں، نوازشریف دی ساریاںصوبیاں دے نال والہانہ محبت اے۔