معیشت کمزور ہوئے تے اسلحہ ، ٹینک ملک نوں نہیں بچا سکدے، احسن اقبال

نارووال( پنجابی میڈیا گروپ)مسلم لیگ ن دے رہنما تے سابق وفاقی وزیر احسن اقبال نے آکھیا اے کہ اگر معیشت کمزور ہو جائے تے کسی وی ملک دا اسلحہ تے ٹینک وی او س نوں بچا نہیں سکدے، سوویت یونین دی مثال ساڈھے سامنے اے۔یونیورسٹی آف نارووال وچ پہلی نیشنل ڈاکٹر علامہ اقبال کانفرنس نال خطاب وچ مسلم لیگ ن دے رہنما احسن اقبال نے آکھیا کہ اسرائیل نے ظلم دا بازار گرم کیتا ہویا اے، اوس دے پیچھے پورا مغرب کھڑا ہویا اے، جیتھے اوس دے ہور اسباب ہون گے اونہاں وچ وڈھا سبب علم سائنس تے ٹیکنالوجی اندر بالادستی اے، مسلماناں دی علم سائنس وچ پستی اے۔اونہاں نے آکھیا کہ ساڈھے کول سڑکاں اُتے نکل کے گڈیاں توڑن والے بہت نین، ساڈھے کول ایٹم دا سینہ چیرن والے اوہ دماغ نہیں ہین جنہاں دے نال اج دنیا وچ کسی قوم نوں طاقت ملدی اے، اج چَن اُتے کمند روس، امریکہ تے بھارت پا چُکے نیں، کوئی مسلم ملک نہیں اے جیہڑا چَن اُتے کمند پان دی صلاحیت رکھدا ہوئے۔