اسرائیل دا غزہ دے سب توں وڈھے الشفا اسپتال اُتے حملہ

غزہ( پنجابی میڈیا گروپ)اسرائیل نے غزہ دے سب توں وڈھے الشفا اسپتال اُتے حملہ کر دتا تے اسرائیلی ٹینکس کمپلیکس وچ داخل ہوگئے۔غیر ملکی خبر رساں ادارے مطابق اسرائیل ولوں دعوی کیتا گیا کہ انٹیلی جنس معلومات دی بنیاد اُتے حماس خلاف ٹارگٹ آپریشن کیتا گیا۔حماس نے اسپتال حملے دا ذمہ دار امریکی صدر جو بائیڈن نوں قرار دے دتا ۔ایس توں پہلاں وائٹ ہاس نے آکھیا سی کہ حماس نے غزہ دے الشفا اسپتال وچ اک کمانڈ اینڈ کنٹرول سینٹر قائم کررکھیا اے، حماس نے اوتھے اسلحہ ذخیرہ کر رکھیا اے۔الشفا اسپتال وچ 650 مریض، اک ہزار طبی عملہ تے 5 توں 7 ہزار پناہ گزین موجود نیں۔ترجمان الشفا اسپتال دا کہنا اے کہ اسرائیلی فوج شفا اسپتال دے بیسمنٹ تک پہنچ گئی تے بیسمنٹ دی تلاشی شروع کردتی ۔ڈائریکٹر ہیلتھ شفا اسپتال ڈاکٹر منیر باریش نے حملے دے بعد آکھیا کہ اپنا دفتر چھڈ کے باہر نہیں جاواں گا۔شفا اسپتال وچ محفوظ راہداری توں گزرن والیاں اُتے اسرائیلی فائرنگ جاری اے۔