معصوم بالاں دے قتل نال اسرائیل اپنی جنونیت نوں پورا کررہیا اے، نگراں وزیراعظم انوار الحق کاکڑ

اسلام آباد (پنجابی میڈیا گروپ)نگراں وزیراعظم انوار الحق کاکڑ نے اکھیا اے کہ پاکستان اک ذمے دار ریاست دے طور اُتے اُبھر رہیا اے، معصوم بالاں دے قتل نال اسرائیل اپنی جنونیت نوں پورا کررہیا اے،دنیا وچ انصاف ہُندا نظر آنا چاہیدااے،مسئلہ کشمیراُتے اقوامِ متحدہ دیاں قرارداداں موجود نیں،مسئلہ کشمیر نوں سنجیدہ بنیاداں اُتے حل کیتا جانا ضروری اے،ساڈھے پروسیاں نوں اپنا طرزِ عمل تبدیل کرنا ہوئے گا،بین الاقوامی امن لئی پاکستان اپنا کردار ادا کردا رہے گا۔مارگلہ ڈائیلاگ نال خطاب کردیاں ہویاں نگراں وزیرِ اعظم انوار الحق کاکڑ نے آکھیا کہ جدید دور وچ رابطیاں تے راہداریاں نال تجارتی سرگرمیاں ودھن گئیاں، موسمیاتی تبدیلی اک مستقل خطرے دے طوراُتے اُبھر کے سامنے آرہی اے، موسمیاتی تبدیلی نال نمٹنا کسی اک ملک لئی ممکن نہیں، موسمیاتی تبدیلیاں نال نمٹن لئی مربوط تعاون دی لوڑ اے، موسمیاتی تبدیلی دے اثرات گھٹ کرن لئی اقوامِ عالم نوں اقدام کرنا ہون گے۔نگراں وزیراعظم نے آکھیا کہ فلسطین وچ معصوم بالاں نوں بربریت دا نشانہ بنایا جارہیااے، معصوم بالاں دے قتل نال اسرائیل اپنی جنونیت نوں پورا کر رہیا اے، دنیا وچ انصاف ہُندانظر آنا چاہیدا اے۔اونہاں نے آکھیا کہ مسئلہ کشمیر نوں سنجیدہ بنیاداں اُتے حل کیتا جانا ضروری اے، مسئلہ کشمیر بارے اقوامِ متحدہ دیاں قرارداداں موجود نیں، مقبوضہ کشمیر دے لوکاں دے بنیادی حقوق دا استحصال کیتا جارہیا اے،