بشری بی بی دا چیف جسٹس اسلام آباد ہائیکورٹ اُتے عدم اعتماد دا اظہار

اسلام آباد(پنجابی میڈیا گروپ)چیئرمین پی ٹی آئی دی گھر والی بشری بی بی نے اسلام آباد ہائی کورٹ دے چیف جسٹس عامر فاروق اُتے عدم اعتماد دا اظہار کر دتا۔بشری بی بی ولوں چیئرمین پی ٹی آئی نال تنہائی وچ ملاقات دی درخواست کسی ہور بینچ وچ مقرر کرن دی استدعا کیتی گئی ۔بشری بی بی دے وکیل نے آکھیا اے کہ ساڈھے جنہے وی کیس تہاڈے کول ہین اوہناں ساریاں اُتے اک جہے فیصلے آ رہے نیں،تہاڈے توں استدعا اے کہ ساڈھے جنہے مقدمے ایس بینچ وچ نیں اوکسی ہور نوں منتقل کیتے جان۔ایس اُتے اسلام آباد ہائی کورٹ دے چیف جسٹس عامر فاروق نے آکھیا کہ تُسی بالکل نامناسب گل کر رہے او، ایسطرح نہ کرو، چلو فیر ایس نوں ویکھ لیندے ہاں۔