چیف جسٹس نے سپریم کورٹ نال اعلی عدلیہ لکھن توں روک دتا

اسلام آباد( پنجابی میڈیا گروپ)چیف جسٹس آف پاکستان جسٹس قاضی فائز عیسی نے سپریم کورٹ نوں اعلی عدلیہ لکھن توں روک دتا۔چیف جسٹس قاضی فائز عیسی نے ضمانت دے اک کیس دوران وکیل ولوں اعلی عدلیہ کہن اُتے برہمی دا اظہار کیتا۔چیف جسٹس نے سپریم کورٹ نوں اعلی عدلیہ نہ کہن دے احکامات جاری کردیاں ہویاں فیصلہ وی لکھوا دتا۔جسٹس قاضی فائز عیسی دا کہنا سی کہ آئین وچ سپریم کورٹ لئی اعلی عدلیہ دا لفظ نہیں لکھیا گیا، آئین پاکستان مطابق صرف سپریم کورٹ آکھیا جائے۔یاد رہے کہ ایس توں پہلاں سپریم کورٹ نے سرکاری افسراں لئی صاحب دا لفظ استعمال کرن اُتے پابندی عائد کردیاں ہویاں آکھیا سی کہ صاحب دا لفظ آزاد قوم دی عکاسی نہیں کردا۔جسٹس قاضی فائز عیسی نے کجھ مہینے پہلاں اپنے ریمارکس وچ آکھیا سی کہ سپریم کورٹ تے ہائی کورٹ دے نال معزز دالفظ لکھنا وی درست نہیں۔