ایس ویلے دنیا وچ حق و باطل دی جنگ اے،سراج الحق

سکھر(پنجابی میڈیا گروپ)امیر جماعت اسلامی سراج الحق نے آکھیا کہ ایس ویلے دنیا وچ حق و باطل دی جنگ اے۔جماعت اسلامی دے امیر سراج الحق نے سکھر وچ انتخابی کنونشن نال خطاب کردیاں ہویاں آکھیاکہ کنونشن وچ لوگ اک نویں عزم تے اک نویں جذبے تے ولولے دے نال 8 فروری تک نہیں پوری زندگی گزارن دا ارادہ کرن، خوش قسمت لوگ اوہ نیں جیہڑے تنکیاں ونگوں زمانے دے نال چلن تے اڑن دے بجائے حق دا ساتھ دین تے فیرحق اُتے ڈٹ جان۔سراج الحق نے آکھیا کہ غزہ تے فلسطین اینہاں2ارب مسلماناں لئی اک امتحان اے جنہاں نے معصوم بالاں دی شہادت اُتے کجھ نہیں کیتا، اوہ اپنے گھر وچ اک نقشہ رکھدے نیں، اپنے بچے نوں سمجھان لئی کہ ایہ فلسطین دا نقشہ اے ایہ تہاڈی بستی اے،امیرجماعت اسلامی نے آکھیا کہ اردن ولوں فلسطینیاں نوں شہریت دین دا کہن دے باوجود وی فلسطینیاں نے اپنا ملک نہیں چھڈیا۔