تریخی معاہدیاں نال معیشت مضبوط ہوئے گی،محسن نقوی

لہور(پنجابی میڈیا گروپ)نگران وزیر اعلیٰ پنجاب محسن نقوی نے آکھیا اے کہ پاکستان تے یو اے ای دے وچکار تریخی معاہدیاں نال معیشت مضبوط ہوئے گی تے باہمی تعلقات نویاں بلندیاں نوں چھون گے۔متحدہ عرب امارات نال اپنے پیغام وچ محسن نقوی داکہنا سی کہ پاکستان تے یو اے ای دے وچکار معاہدیاں نال معاشی تعاون دے نویں دورداآغاز ہویا اے، سمجھوتیاں اُتے عمل درآمد دے چھیتی مثبت اثرات سامنے آن گے۔اونہاں نے آکھیا کہ پاکستانی وفد نوں متحدہ عرب امارات وچ خصوصی پذیرائی ملی، متحدہ عرب امارات دے صدر شیخ محمد بن زاید النہیان دے نال ملاقات انتہائی مفید رہی، متحدہ عرب امارات دے نال ہون والے معاہدیاں وچ آرمی چیف دا کردار وی قابل تحسین اے۔محسن نقوی نے آکھیا کہ سرمایہ کاری دے معاہدیاں نال باہمی تعلقات نوں نویں جہت ملے گی، متحدہ عرب امارات توانائی، پورٹ آپریشنز پراجیکٹس،ویسٹ واٹر ٹریٹمنٹ، فوڈ سکیورٹی، بینکنگ اینڈ فنانشل سروسز سنے ہوراں شعبیاں وچ سرمایہ کاری کرے گا۔