دوبارہ آکے مہنگائی دی کمر توڑاں گے،شہبازشریف

لہور(پنجابی میڈیا گروپ)سابق وزیراعظم و پاکستان مسلم لیگ(ن) دے صدرشہبازشریف نے آکھیا اے کہ عوام دوتہائی اکثریت دے اَت گردی ونگوں مہنگائی دی وی کمر توڑ دیاں گے،الیکشن وچ بھرپور تیاری دے نال میدان وچ اُتراں گے،(ن) لیگ دی کامیابی پاکستان نوں مسائل توں نجات دلائے گی۔صدر(ن)لیگ نال پارٹی رہنماواں تے سابق ارکان قومی اسمبلی نے ملاقات کیتی، علی پرویز ملک، رانا قاسم نون، ڈاکٹر مظہر اقبال چودھری تے سلمان خان ملاقات کرن والیاں وچ شامل سن۔ملاقات وچ تنظیمی تے الیکشن دیاں تیاریاں اُتے گل بات ہوئی، شہبازشریف نے انتخابی تیاریاں لئی پارٹی رہنماواں تے کارکناں دے جذبے نوں سراہیا۔ایس موقع اُتے گل بات کردیاں ہویاں صدر مسلم لیگ (ن) شہباز شریف دا کہنا سی کہ الیکشن وچ بھرپور تیاری دے نال اُتراں گے، اللہ تعالی دے فضل تے عوام دے اعتماد نال الیکشن وچ بھرپور کامیابی حاصل کراں گے۔