اسرائیل دی غزہ اُتےفیر وحشیانہ بمباری شروع

غزہ( پنجابی میڈیا گروپ)غزہ وچ حماس تے اسرائیل دے وچکارلڑائی دوران عارضی جنگ بندی ختم ہون بعد پچھلے 2دناں وچ اسرائیلی فوج نے 400 توں وَدھ حملے کرکے 300 توں وَدھ فلسطینیاں نوں شہید کردتا۔غزہ دی رہائشی عمارتاں جارحیت دا نشانہ بن گئیاں ،بمباری نال غزہ شہر نوں پانی پہنچان والی مین سپلائی لائن وی متاثرہوئی جدکہ صیہونی فورسز نے غزہ وچ2 دن دے اندر400 توں وَدھ گھراں نوں ٹارگٹ کیتا۔خان یونس، جبالیہ کیمپ تے النصر اسپتال دے آسے پاسے وی شدید بمباری کیتی گئی جس دے نتیجے وچ 2 دناں وچ 300 توں وَدھ فلسطینی شہید جدکہ650زخمی ہوگئے ۔فلسطینی میڈیا مطابق جنگی طیاریاںنصیرات پناہ گزین کیمپ وچ2گھراں اُتے بمباری کیتی جس دے نتیجے وچ13افراد شہید ہوگئے۔غزہ دے محکمہ صحت دے حکام نے دسیا کہ رفح وچ 1مکان اُتے اسرائیلی فضائی حملے وچ 3فلسطینی شہید ہوئے۔