توڑ پھوڑ کیس: اسد قیصر نوں جوڈیشل ریمانڈ اُتے جیل گھل دتا گیا

مردان( پنجابی میڈیا گروپ)سابق سپیکر قومی اسمبلی تے رہنما پی ٹی آئی اسد قیصر نوں توڑ پھوڑ دے کیس وچ جوڈیشل ریمانڈ اُتے جیل گھل دتا گیا۔مردان دے جوڈیشل مجسٹریٹ دی عدالت وچ سابق سپیکر قومی اسمبلی اسد قیصر خلاف9 مئی والے دن میڈیکل سٹور اُتے توڑ پھوڑ دے کیس دی سماعت ہوئی جس دوران پی ٹی آئی رہنما نوں عدالت وچ پیش کیتا گیا۔دوران سماعت پلس ولوں اسد قیصر دا جسمانی ریمانڈ دین دی استدعا کیتی گئی جس نوں عدالت نے مسترد کر دتا۔بعد وچ مردان دے جوڈیشل مجسٹریٹ عطا الرحمان نے سابق سپیکر قومی اسمبلی اسد قیصر نوں جوڈیشل ریمانڈ اُتے جیل گھلن دا حکم دے دتا۔خیال رہے کہ اسد قیصر نوں پچھلے دناں تھانہ پڑانگ چارسدہ وچ درج مقدمے وچ ضمانت بعد دوبارہ گرفتار کر لیا گیا سی۔