عورتاں نوں ہراساں کرن والا محول تے رویئے بدلنا ہون گے، صدر مملکت

اسلام آباد (پنجابی میڈیا گروپ)صدر مملکت ڈاکٹر عارف علوی نے عورتاں نوں ہراساں کرن توں پاک محول فراہم کرن لئی اجتماعی کوششاں اُتے زور دیندیاں ہویاں آکھیا اے کہ عورتاں نوں ہراساں کرن والا محول تے رویئے بدلنے ہون گے،عوامی مقامات بمقام کار تے گھراں وچ وی ساز گار محول یقینی بنانا ہوئے گا۔اوہ منگل نوں وفاقی محتسب برائے انسداد ہراسیت بمقام کار دی چھتر چھاویں خطاب کر رہے سن ، خاتون اول بیگم ثمینہ علوی‘ وفاقی محتسب انسداد ہراسیت فوزیہ وقار، ڈپٹی گورنر سٹیٹ بینک سلیم اللہ، مختلف ملکاں دے سفارتکاراں تے انسانی حقوق دیاں تنظیماں دے نمائندے تقریب وچ رَلتی سن۔ صدر مملکت ڈاکٹر عارف علوی نے تقریب نال خطاب کردیاں ہویاں آکھیا کہ مغربی معاشرے وچ بوہت بعد وچ عورتاں دے حقوق دی گل ہوئی اے،1400 ورھے پہلاں حضورﷺ تے قرآن پاک نے عورتاں دے حقوق دَس دتے سن‘اگر مغرب دے نال موازنہ کریئے تے اسیں عورتا ں داکھویا ہویامقام حاصل کرن لئی کوشش وچ ہاں۔