اک شخص شیخ مجیب الرحمن بن کے للکار رہیا اے،جاوید لطیف

لہور( پنجابی میڈیا گروپ) پاکستان مسلم لیگ (ن) دے سینئر رہنما میاں جاوید لطیف نے آکھیا اے کہ اک شخص شیخ مجیب الرحمن بن کے للکار رہیا اے،جیل وچ بیٹھے شخص نوں جَدوں وی موقع ملدا اے اوہ ریاستی ادایاں اتے حملہ آورہُندا اے،جنرل (ر)باجوہ ،جنرل (ر)فیض ،جسٹس (ر)آصف سعید کھوسہ تے جسٹس (ر)ثاقب نثارسنے ساریاں نوںبلان تاکہ کرتوتاں دا کچا چٹھہ قوم سامنے آ سکے ،سہولت کاراں نوں سمجھ آ جانی چا ہیدی سی ایہ اونہاں دے ایجنڈے نوںنہیں عالمی ایجنڈے نوں پورا کرے گا،معیشت نوں کمزور کرن دے ایجنڈے اُتے عمل کیتا گیا تاکہ 9 مئی کرنا آسان ہوجائے تے معیشت نوں کمزور کیتا گیا۔ ماڈل ٹائون وچ میڈیا نال گل بات کردیاں ہویاں جاوید لطیف نے آکھیا کہ اک شخص دھمکی دے کے شیخ مجیب الرحمن بن رہیا اے، اوس نوں جَد موقع ملدا اے خارجہ ،داخلہ تے پالیسی ساز اداریاں اُتے حملہ کردا اے۔