8 فروری نوں مسلم لیگ (ن) عوامی مینڈیٹ حاصل کرے گی ،راناثناء اللہ

مکوآنہ(پنجابی میڈیا گروپ) مسلم لیگ (ن) پنجاب دے صدرراناثنااللہ نے آکھیا اے کہ الیکشن لیٹ ہون بارے آکھیا کہ ایہ الیکشن دی تاریخ کسی حکومت،وزیر اعلی یا الیکشن کمیشن نے نہیں دتی بلکہ سپریم کورٹ آف پاکستان دے چیف جسٹس نے سب نوں بلا کے اک تریخ دا اعلان کیتا اے۔ لہذا 8 فروری نوںالیکشن ہون گے تے مسلم لیگ (ن) عوامی مینڈیٹ حاصل کرے گی رانا ثنا اللہ فیصل آباد وچ اُچیچی گل کر رہے سن کہ اونہاں نے آکھیا کہ عمران خان اک جھوٹا تے مکار آدمی اے،اک دن اک جھوٹ بولدا اے تے دُوجے دن اوس دے اُلٹ گل کردا اے،ہُن کہہ رہا اے کہ میرے خلاف لندن پلان بنیا اوس دی بنیاد اُتے 9 مئی ہویا،اوس توں کوئی پچھے کہ 9 مئی توں پہلاں جَدو تُسی ایہ کہہ رہے سو کہ اگر مینوںگرفتارکیتا گیا تے تہاڈے فلاں فلاں جگہ اُتے جا کے احتجاج کرنا اے تے کیا ایہ کوئی لندن وچ بیٹھ کے تیہنوں مجبور کر رہیا سی کہ تو اینج دیاں تقریراں کر۔