اَت گرداں نوں ملک دا امن تباہ نہیں کرن دیاں گے، نگران وزیراعظم

اسلام آباد( پنجابی میڈیا گروپ)نگران وزیراعظم انوارالحق کاکڑ نے آکھیا اے کہ اَت گرداں نوں ملک دا امن تباہ نہیں کرن دیاں گے۔نگران وزیرِ اعظم نے پشور وچ ورسک روڈ اُتے دھماکے دی شدید مذمت کیتی تے متعلقہ حکام نوں دھماکے وچ زخمی بالاں نوں بہترین طبی سہولتاںفراہم کرن دی ہدایت کیتی، اونہاں نے دھماکے وچ زخمی ہون والے بالاں دی صحت یابی لئی وی دعا کیتی۔انوار الحق کاکڑ نے قنون نافذ کرن والے اداریاں نوں واقعے دی تحقیقات چھیتی مکمل کرن دا وی حکم دتا۔اونہاں نے آکھیا کہ اَت گرداں دے پاکستان دے امن نوں تباہ کرن دے ناپاک عزائم نوں کَدی کامیاب نہیں ہون دیاں گے، ملک توںاَتگردی دے ناسور نوں ختم کرن تک جنگ جاری رکھاں گے۔نگران وزیراعظم دا ہورکہنا سی کہ واقعے دے ذمہ داراں دی چھیتی توں چھیتی نشاندہی کرکے اونہاں نوں قرار واقعی سزا دتی جائے گی۔