بھارتی سپریم کورٹ: مقبوضہ کشمیر دی اُچیچی حیثیت ختم کرن دا اقدام درست قرار

نویں دہلی(پنجابی میڈیاگروپ)بھارتی سپریم کورٹ نے مقبوضہ کشمیر دی اُچیچی حیثیت بحالی دیاں درخواستاں مسترد کر دتیاں۔بھارتی سپریم کورٹ نے مقبوضہ کشمیر دی آئینی حیثیت لئی دائر اپیلاں اُتے متعصبانہ فیصلہ سنا دتا، عدالت نے جموں کشمیر دی خصوصی حیثیت ختم کرن دا5اگست 2019 دافیصلہ برقرار رکھیا اے۔بھارتی سپریم کورٹ نے آکھیا اے کہ مقبوضہ کشمیر بھارت دا اَٹوٹ انگ اے، آرٹیکل370عارضی سی، ہر فیصلہ قنونی دائرے وچ نہیں آندا۔عدالت نے اپنے فیصلے وچ آکھیا کہ جموں و کشمیر دی اُچیچی حیثیت ختم کرن لئی صدر دا حکم آئینی طوراُتے درست اے، بھارتی صدر دے کول اختیارات نیں، آرٹیکل370مقبوضہ کشمیر دی شمولیت نوں منجمد نہیں کردا، جموں کشمیر اسمبلی دی تشکیل دا مقصد مستقل باڈی بنانا نہیں سی۔بھارتی سپریم کورٹ نے مقبوضہ جموں کشمیر دی اُچیچی حیثیت بحال کرن بارے درخواستاں نوں مسترد کردیاں ہویاں مقبوضہ کشمیر اسمبلی دے الیکشن30ستمبر2024تک کران دے احکامات جاری کر دتے۔