سابق چیئرمین پی ٹی آئی تے بشری بی بی خلاف غیر شرعی نکاح کیس قابل سماعت قرار

اسلام آباد( پنجابی میڈیا گروپ)ڈسٹرکٹ اینڈ سیشن کورٹ اسلام آباد نے سابق چیئرمین پی ٹی آئی تے بشری بی بی خلاف غیر شرعی نکاح کیس قابل سماعت قرار دے دتا۔بانی پی ٹی آئی تے بشری بی بی خلاف غیر شرعی نکاح کیس دی سماعت ہوئی، کیس دی سماعت سول جج قدرت اللہ نے کیتی۔بشری بی بی دے سابق شوہر خاور مانیکا نے سول جج دی عدالت پیش ہو کے حاضری لگوائی، درخواست گزار خاورمانیکا دے وکیل رضوان عباسی نے کیس قابل سماعت ہون یا نہ ہون اُتے دلائل مکمل کر لئے۔درخواست گزار دے وکیل رضوان عباسی نے ویاہ توں پہلاں تعلقات اُتے دلائل دیندیاں ہویاں آکھیا کہ ایتھے 2 افراد آئے نیں جنہاں نے آکھاں نال ویکھیا تے اک اوہ جس نوں دسیا گیا۔عدالت نے ریمارکس د تے کہ تُسی قنون ویکھوں، قنون کیہ کہندا اے، وکیل رضوان عباسی نے جواب وچ آکھیا کہ ایس کیس وچ203سی لاگو ہُندی اے بعد وچ عدالت نے غیر شرعی نکاح کیس قابل سماعت ہون یا نہ ہون اُتے فیصلہ محفوظ کر لئیا جیہڑاکجھ گھنٹیاں بعد سناندیاں ہویاں درخواست قابل سماعت قرار دے دتی تے فریقین نوں نوٹس جاری کردتے جدکہ عدالت نے دفعہ 496بی وچ وی بانی پی ٹی آئی، بشری بی بی نوں نوٹس جاری کر دتا۔