سابق چیئرمین پی ٹی آئی دی3،قریشی دی2مقدمیاں وچ ضمانتاں منظور

اسلام آباد( پنجابی میڈیا گروپ)اسلام آباددی انسداددہشت گردی دی عدالت نے سابق چیئرمین پی ٹی آئی دی توڑ پھوڑدے3 تے شاہ محمود قریشی دی2مقدمیاں وچ ضمانت دیاں درخواستاں منظورکر لیاں۔اے ٹی سی دے جج ابوالحسنات ذوالقرنین نے درخواستاں اُتے سماعت کیتی،دوران سماعت پراسیکیوٹر راجہ نویدتے پی ٹی آئی دے وکیل سردار مصروف تے خالد یوسف عدالت وچ پیش ہوئے۔اے ٹی سی جج ابوالحسنات ذوالقرنین نے بانی پی ٹی آئی تے شاہ محمود قریشی دیاں ضمانتاں30،30ہزار روپے دے مچلکیاں دے عوض منظور کیتیاں، جج نے آکھیا کہ شاہ محمود قریشی تے بانی پی ٹی آئی دیاں ضمانتاں منظور کیتیاں جاندیاں نیں۔پراسیکیوٹر راجہ نوید نے عدالت نوں دسیا کہ پی ٹی آئی رہنماواں نے جان بُجھ کے احتجاج کروایا، بانی پی ٹی آئی نے عوام نوں ورغلایا تے اشتعال پیدا کرن دی کوشش کیتی، پی ٹی آئی رہنماواں نوں غیر ضروری نرمی دتی جارہی اے۔