شہبازشریف تے مریم نواز نے بھارتی سپریم کورٹ دا فیصلہ مستردکردتا

لہور( پنجابی میڈیا گروپ)مسلم لیگ ن دے صدروسابق وزیراعظم شہباز شریف تے سینئر نائب صدر مریم نواز نے مقبوضہ کشمیربارے بھارتی سپریم کورٹ دا فیصلہ مسترد کردتا۔اک بیان وچ شہباز شریف نے آکھیا کہ5اگست 2019 ونگوں بھارتی عدالت دے فیصلے دی کوئی حیثیت نہیں، بھارتی سپریم کورٹ دا فیصلہ اقوام متحدہ دیاں قرارداداں دے منافی اے۔اونہاں نے آکھیا کہ بھارتی سپریم کورٹ دے کہن نال اٹوٹ انگ دا جھوٹ سچ نہیں ہو جائے گا، عدالت نے بی جے پی دی پالیسی اُتے 1کارکن بن کے عمل کیتا، سپریم کورٹ ایس توں پہلاں بابری مسجد اُتے وی کھلی لاقانونیت کر چکی اے۔دُوجے پاسے پاکستان مسلم لیگ(ن)دی سینئر نائب صدر تے چیف آرگنائزر مریم نواز شریف نے بھارتی سپریم کورٹ دے فیصلے نوں اک ہوربھارتی جھوٹ قرار دے دتا اے۔