ذوالفقار بھٹو ریفرنس: بلاول دی کیس دی براہ راست نشریات دی اپیل

اسلام آباد( پنجابی میڈیا گروپ)چیئرمین پیپلز پارٹی بلاول بھٹو زرداری نے ذوالفقار علی بھٹو دے عدالتی قتل بارے ریفرنس دی براہ راست نشریات لئی درخواست دائر کر دتی۔درخواست بلاول بھٹوولوں وکیل فاروق ایچ نائیک نے سپریم کورٹ وچ دائر کیتی جس وچ آکھیا گیا کہ صدارتی ریفرنس میرے والد آصف زرداری ولوں دائر کیتا گیا۔درخواست وچ استدعا کیتی گئی اے کہ سماعت دی کارروائی براہ راست نشر کرن دی اجازت دتی جائے۔چیف جسٹس آف پاکستان جسٹس قاضی فائز عیسی دی سربراہی وچ سپریم کورٹ دا9رکنی لارجر بنچ کل ذوالفقار علی بھٹو کیس دی سماعت کرے گا، سابق صدر آصف علی زرداری نے اپریل 2011 وچ صدارتی ریفرنس سپریم کورٹ وچ دائر کیتا سی۔واضح رہے کہ پچھلے دناں سینئر رہنما پیپلز پارٹی فیصل کریم کنڈی نے ذوالفقار علی بھٹو ریفرنس دی سماعت براہ راست نشر کرن دا مطالبہ کیتاسی۔