تاحیات نا اہلی اُتے سپریم کورٹ دا فیصلہ تے الیکشن ایکٹ اک نال نہیں چل سکدے،چیف جسٹس

اسلام آباد(پنجابی میڈیاگروپ)چیف جسٹس پاکستان قاضی فائز عیسی نے اک کیس دی سماعت دوران ریمارکس دتے کہ پارلیمنٹ دی قنون سازی چلے گی یاسپریم کورٹ دا فیصلہ، اونٹ کسی پاسے تے بیٹھنا اے جَد کہ تاحیات نا اہلی اُتے سپریم کورٹ دا فیصلہ تے الیکشن ایکٹ اک نال نہیں چل سکدے۔سپریم کورٹ وچ چیف جسٹس پاکستان قاضی فائز عیسی تے جسٹس اطہر من اللہ اُتے مشتمل بینچ نے میربادشاہ قیصرانی دی نااہلی کیس دی سماعت کیتی جس وچ عدالت نے تاحیات نااہلی دی مدت تعین دا معاملہ لارجزبینچ وچ مقرر کرن لئی ججاں دی کمیٹی نوں گھل دتا۔عدالت نے اکھیا کہ موجودہ کیس نوں الیکشن لیٹ لئی استعمال نہیں کیتاجائے گا،موجودہ کیس دا نوٹس انگریزی دے 2وڈھے اخباراں وچ شائع کیتا جائے۔عدالت نے تاحیات نااہلی دے معاملے اُتے سپریم کورٹ فیصلے تے الیکشن ایکٹ دی ترمیم وچ تضاد اُتے نوٹس لیا جیہڑا میر بادشاہ قیصرانی دی تاحیات نااہلی دے کیس وچ لیا گیا۔آرٹیکل62ون ایف وچ تو کِدھرے نہیں لکھیا کہ ایس تحت تاحیات نااہلی ہوسکدی اے تاحیات نا اہلی اُتے سپریم کورٹ فیصلہ تے الیکشن ایکٹ اک نال نہیں چل سکدے، الیکشن ایکٹ وچ ترمیم تے سپریم کورٹ فیصلے وچ سیکسی اک نوںبرقراررکھناہوئے گا۔چیف جسٹس نے سوال کیتا کہ سنگین غداری ورگے جرم اُتے نااہلی5ورھے اے تے نماز نہ پڑھن یاجھوٹ بولن والے دی تاحیات نااہلی کیوں؟ بعد وچ عدالت نے اٹارنی جنرل تے سارے صوبائی ایڈووکیٹ جنرلز نوں نوٹس جاری کردیاں سماعت24جنوری تک ملتوی کردتی۔