سائفر کیس دی کارروائی پرنٹ، الیکٹرانک تے سوشل میڈیااُتے نشر کرن تے مکمل پابندی

اسلام آباد( پنجابی میڈیا گروپ)سائفر کیس وچ وڈھی پیش رفت، سائفر کیس دی کارروائی پرنٹ، الیکٹرانک تے سوشل میڈیا اُتے نشر کرن تے مکمل پابندی عائد کر دتی گئی۔آفیشل سیکرٹ ایکٹ دی اُچیچی عدالت نے وڈھا حکم جاری کردیاں ہویاں آکھیا اے کہ پرنٹ، الیکٹرانک تے سوشل میڈیا اُتے سائفر کیس بارے کوئی کارروائی نشر نہیں ہوئے گی۔عدالتی فیصلے وچ آکھیا گیا اے کہ پیمرا تے پی ٹی اے نوں ایس حوالے نال ہدایت اُتے پابندی دی ہدایت کیتی جاندی اے، اگر کوئی وی خلاف ورزی ہوئی تے اوس اُتے آفیشل سیکرٹ ایکٹ تحت کارروائی ہوئے گی۔فیصلے وچ آکھیا گیا اے کہ پیمرا تے پی ٹی اے نوں عدالتی حکم دی کاپی فراہم کیتی جائے تاکہ آئندہ خلاف ورزی نہ ہوئے، سائفر کیس دا ٹرائل اِن کیمرہ کرن دی پراسیکیوشن دی درخواست منظور کیتی جاندی اے۔فیصلے مطابق سابق چیئرمین پی ٹی آئی تے شاہ محمود قریشی دی فیملی مشروط موجود ہوئے گی، شرط ہوئے گی کہ عدالتی کارروائی نوں فیملی ممبر کسی جگہ بیان نہیں کرن گے۔عدالت ولوں جاری تحریری حکم نامے مطابق ٹرائل دی کارروائی دے دوران پبلک موجود نہیں ہوئے گی۔