ساڈھا مطالبہ اے الیکشن ویلے اُتے ہون،چیئرمین پی ٹی آئی گوہر علی خان

لہور( پنجابی میڈیا گروپ)پاکستان تحریک انصاف دے چیئرمین گوہر علی خان نے آکھیا اے کہ ساڈھا مطالبہ اے کہ عام الیکشن ویلے اُتے ہون۔پریس کانفرنس کردیاں ہویاں چیئرمین پی ٹی آئی گوہر علی خان دا کہنا سی کہ لہورہائی کورٹ دا فیصلہ الیکشن وچ التوا داجواز نہیں اے، ڈسٹرکٹ افسراں نوں آر او نہیں بنایا جا سکدا، اوس نال دھاندلی ہو سکدی اے، الیکشن کمیشن دے آر او ازبارے نوٹیفکیشن نال الیکشن ملتوی ہون دا خدشہ اے۔اونہاں نے آکھیا کہ الیکشن کمیشن نے پہلاں وی الیکشن ملتوی ہون دا بہانہ بنایا، الیکشن کمیشن مطابق 8 فروری نوں الیکشن ہونے نیں، سپریم کورٹ دی واضح ہدایت اے کہ8فروری نوںالیکشن ہونے چاہیدے نیں، الیکشن کمیشن تے صدر پاکستان دے وچکار الیکشن کروان دا معاہدہ موجود اے۔چیئرمین پی ٹی آئی دا کہنا سی کہ ساڈھا مطالبہ پہلاں توں ایہی سی کہ جوڈیشل مجسٹریٹ تعینات کیتے جان، اسیں الیکشن کمیشن تے سپریم کورٹ توں مطالبہ کردے ہاں کہ الیکشن ویلے اُتے ہون۔