پی ٹی آئی الیکشن ملتوی کران دی سازش کررہی اے،شہباز شریف

لہور( پنجابی میڈیا گروپ)سابق وزیراعظم تے پاکستان مسلم لیگ (ن) دے صدر شہباز شریف نے آکھیا اے کہ سائفرونگوں پی ٹی آئی ملک وچ8فروری دے الیکشن ملتوی کران دی سازش کر رہی اے ۔ پاکستان مسلم لیگ(ن) دے صدر شہباز شریف نے اک بیان وچ آکھیا کہ پی ٹی آئی دی درخواست عوام دی ترجمانی نوں سبوتاژ کرن دی سازش اے، الیکشن دے خلاف پی ٹی آئی درخواستاں الیکشن توں فرار ہون دی منصوبہ بندی اے، پی ٹی آئی ہمیشہ ونگوں دوغلی، دوہری تے منفقانہ پالیسی اُتے کاربند اے۔اونہاں نے آکھیا کہ پی ٹی آئی8فروری توں فرار دیاں راہواں تلاش کررہی اے، پی ٹی آئی میڈیا وچ الیکشن چھیتی کران دے اعلان کردی اے جدکہ عملی طوراُتے عدالتاں وچ لیٹ دیاں پٹیشناں کردی اے