ساہنوں پرعزم تے مضبوط قوم بنن لئی یکجا ہونا پئے گا،آرمی چیف

اسلام آباد(پنجابی میڈیاگروپ)آرمی چیف جنرل سید عاصم منیر نے کرائسٹ چرچ راولپنڈی وچ کرسمس تقریب وچ رَلت کیتی۔چرچ انتظامیہ نے آرمی چیف دا خیر مقدم کیتا تے تہوار وچ رَلت اُتے اونہاں دا شکریہ وی ادا کیتا، ایس موقع اُتے آرمی چیف نے آکھیا کہ ساہنوں پرعزم تے مضبوط قوم بنن لئی یکجا ہونا پئے گا۔پاک فوج دے شعبہ تعلقات عامہ مطابق آرمی چیف نے پاکستان وچ وَسن والی ساری مسیحی برادری نوں کرسمس دی مبارک دتی، آرمی چیف نے مذہبی برادری لئی احترام دا اظہارکیتا۔آئی ایس پی آر مطابق آرمی چیف نے متحد و ترقی پسند پاکستان لئی قائد دے حقیقی ویژن اُتے عمل کرن دی گل کیتی، آرمی چیف نے معاشرے وچ بین المذاہب ہم آہنگی نوں ودھا دین دی لوڑ اُتے وی زوردتا۔آرمی چیف جنرل سید عاصم منیر داکہنا سی کہ’’اسلام ساہنوں امن،دوستی دا سبق سکھاندا اے تے بین المذاہب ہم آہنگی دی حوصلہ افزائی کردا اے جیہڑاویلے دی اہم لوڑ اے۔