نفرت دی سیاست ختم کرکے مسائل حل کرسکدے ہاں،بلاول بھٹو

نوابشاہ (پنجابی میڈیاگروپ)چیئرمین پیپلز پارٹی بلاول بھٹو زرداری نے آکھیا اے کہ مسائل بہت زیادہ نیں مگر اونہاں دا حل موجود اے، اسیں تریخی مہنگائی،غربت تے بیروزگاری دا مقابلہ کرنا اے،اسیں وَنڈ، نفرت تے گالم گلوچ دی سیاست ختم کرکے مسائل دا مقابلہ کرسکدے ہاں۔نواب شاہ وچ کیڈٹ کالج دی تقریب نال خطاب کردیاں ہویاں چیئرمین پیپلز پارٹی بلاول بھٹو نے آکھیا کہ شہید بینظیر بھٹودا خواب عورتاں لئی سی، کیڈٹ کالج دے طالب علم شہید بینظیر بھٹو دا خواب پورا کررہے نیں، پرانے سیاستدان پاکستان دا ماضی اے،تُسی پاکستان دا مستقبل او، اسیں مل کے محنت کراں گے،ملکی ترقی وچ حصہ پان گے۔ اونہاں نے آکھیا کہ اسیں اوس ویلے کافی مسائل دا مقابلہ کررہے ہاں، 3 ،4وڈھے مسائل بارے وچ گل کرنا چاہواں گا، اسیں عوام دیاں تکلیفاں تے مسائل حل کرسکدے ہاں۔