انتخابی نشان بلے دی آفر ہوئی مگر میں انکار کردتا،پرویزخٹک

پشور(پنجابی میڈیاگروپ)پاکستان تحریک انصاف پارلیمنٹیرین(پی ٹی آئی پی) دے سربراہ پرویز خٹک نے آکھیا اے کہ مینوں انتخابی نشان بلے دی آفر ہوئی مگر میں انکار کر دتا۔پریس کانفرنس کردیاں ہویاں سربراہ پی ٹی آئی پی پرویزخٹک نے آکھیا کہ ساڈھا منشور تیار ہو چکیا اے،کجھ دناں بعد پیش کراں گے، ساڈھی الیکشن کمپین جاری اے، اسیں صوبے دی ترقی دا سوچنا اے، وفاق نے ساڈھے بوہت سارے حقوق ضبط کیتے نیں، خیبرپختونخوا دے لوکاںنوں حقوق لے کے دیاں گے۔اونہاں نے آکھیا کہ بہت سارے آزاد امیدوار وی رابطے وچ ہین، وڈھیاں پارٹیاں وچ دراڑ پئی ہوئی اے، بھرپور تیاری دے نال الیکشن لڑرہے ہاں، میرے کافی دوست آزاد الیکشن لڑن گے، اوہ دوست الیکشن جت کے ساڈھے نال آن گے پرویز خٹک دا ہور کہنا سی کہ میں نے اپنی پارٹی بنائی اے تے مینوں وی لوٹاآکھیا جاندا اے، پی ٹی آئی وچ کوئی جائے تے ٹھیک، اگر چھڈ دیوے تے لوٹا؟بانی پی ٹی آئی سمجھدے نیں جیہڑا پٹھاناں دے دماغ وچ پاواں گا اوہی کراں گے، صوبے دے لوگ غلط فہمی وچ نہ آن۔