پی ڈی ایم خلاف عوام وچ جاواں گا،شیخ رشید

راولپنڈی(پنجابی میڈیا گروپ)سابق وزیرداخلہ و سربراہ عوامی مسلم لیگ شیخ رشید نے آکھیا اے کہ میں سابقہ حکمران اتحاد پاکستان ڈیمو کریٹک موومنٹ(پی ڈی ایم) خلاف عوام وچ جاواں گا، سارے مدمقابل میرے لئی قابل احترام نیں ۔راولپنڈی وچ سابق وزیرداخلہ و سربراہ عوامی مسلم لیگ شیخ رشید تے شیخ راشد دے کاغذات نامزدگی منظور ہوگئے۔بعد وچ شیخ رشید نے میڈیا نال گل بات کردیاں ہویاں آکھیا کہ اج حلقہ 56 وچ میرے تے راشد شفیق دے کاغذات منظور ہوگئے نیں، میں پی ڈی ایم خلاف عوام وچ جاواں گا۔اونہاں نے آکھیا کہ 17وار وزیر رہیا ہاں، کرپشن دا کوئی چارج نہیں لگیا، میں اک مہینے لئی الیکشن مہم چلاواں گا، 6فروری نوں صرف اک جلسہ کراں گا، ایس الیکشن وچ جیہڑرے میرے ساہمنے کھڑے ہون گے اوہ سارے قابل احترام نیں۔شیخ رشید نے آکھیا کہ میرے مقابل 44امیدوار نیں، زندگی وچ 6 توں 7 الیکشن ویکھے سن 44نہیں ویکھے، اللہ نوں منظور ہویا تے حلقہ 56 وی جتاں گے تے57 وی ، سب ساڈھے عزیز نیں۔