چوہدری شجاعت دے پُتراں نے پھوپھیاں نوں گرفتار کران لئی پلس گھلی،مونس الٰہی

لہور(پنجابی میڈیا گروپ)پاکستان تحریک انصاف دے صدر چوہدری پرویز الہی دے پُتر تے سابق وفاقی وزیر مونس الہی نے الزام عائدکیتا اے کہ چوہدری شجاعت حسین دے پُتراں نے اپنیاں پھوپھیاں نوں گرفتار کرن لئی اپنے ہی آبائی خاندانی گھر پلس گھلی۔مونس الہی دے الزام اُتے چوہدری شجاعت دے بیٹے سالک حسین نے آکھیا خاندان دی عزت پی ٹی آئی دے ووٹاں لئی مت رولو، ماواں بہناں سب دیاں سانجھیاں نیں ، برائے مہربانی گجرات وچ عورت کارڈ نہ چلایا جائے۔چوہدری سالک نے آکھیا کاغذات نامزدگی جمع کروان لئی امیدواردا جانا ضروری نہیں، تہاڈے کول وکیلاں دی فوج موجود اے اونہاں نوں گھل دتا ہُندا، سیاست کرو ذاتی عناد تے بے بنیاد الزام مت لا۔