توہین الیکشن کمیشن کیس:بانی پی ٹی آئی تے فواد چودھری اُتے فردجرم عائد نہ ہوسکی

راولپنڈی (پنجابی میڈیاگروپ)توہین الیکشن کمیشن کیس وچ بانی پی ٹی آئی تے سابق وزیر فواد چودھری اُتے فرد جرم عائد نہ ہوسکی ۔نثار درانی دی سربراہی وچ 4 رکنی کمیشن نے اڈیالہ جیل وچ بانی پی ٹی آئی تے فوادچودھری خلاف توہین الیکشن کمیشن کیس دی سماعت کیتی، فواد چودھری دے وکیل فیصل فرید چودھری عدالت پیش ہوئے۔ بانی پی ٹی آئی دے وکیل شعیب شاہین کاغذات نامزدگی دی سکروٹنی پاروں پیش نہ ہوسکے ۔الیکشن کمیشن توہین کیس دی سماعت بغیر کارروائی 3جنوری تک ملتوی کردتی گئی ۔الیکشن کمیشن دی کاز لسٹ جاری کیتے جان دے بعد فواد چودھری ولوں توہین الیکشن کمیشن کیس وچ اوپن ٹرائل دی استدعا کیتی گئی اے۔