نااہلی بارے فیصلہ معطل ہون نال سزا معطل نہیں ہُندی،سپریم کورٹ

اسلام آباد(پنجابی میڈیاگروپ )سپریم کورٹ آف پاکستان دے جسٹس اطہر من اللہ نے ریمارکس دتے کہ نااہلی بارے فیصلہ معطل ہون نال سزا ختم ہون دی کوئی عدالتی نظیر پاکستان وچ نہیں اے۔سپریم کورٹ وچ بانی پی ٹی آئی دی الیکشن کمیشن وچ لیول پلیئنگ فیلڈبارے درخواست اُتے سماعت ہوئی ، سپریم کورٹ نے الیکشن کمیشن خلاف توہین عدالت دی درخواست کل سنن دا اشارہ دے دتا ۔دوران سماعت جسٹس طارق مسعود نے ریمارکس دتے کہ توشہ خانہ نااہلی کیس دی درخواست سپریم کورٹ وچ دائر نہیں ہوئی، توہین عدالت دی درخواست آئی اے، ایس نوں مقرر کرن بارے چیمبر وچ جا کے فیصلہ کراں گے سپریم کورٹ نے بانی پی ٹی آئی دی نااہلی ختم کرن دی اپیل اُتے فوری سماعت کرن دی استدعا مسترد کردتی۔واضح رہے کہ پچھلے دناں اسلام آباد ہائیکورٹ دے 2 رکنی بینچ نے توشہ خانہ کیس دا فیصلہ معطل کرن دی درخواست ناقابل سماعت قراردے کے خارج کردتی سی۔