چیف جسٹس لہور ہائی کورٹ جسٹس ملک شہزاد احمد دی منظوری بعد تبادلیاں دا نوٹیفکیشن جاری

لہور(پنجابی میڈیا) چیف جسٹس لہور ہائی کورٹ ملک شہزاد احمد نے وزیر اعظم شہباز شریف دے خلاف آشیانہ کیس ریفرنس سنے ہور اہم کیساں دی سماعت کرن والے جج ملک علی ذوالقرنین اعوان سنے4 ججاں دے تبادلے کر دتے ۔چیف جسٹس لہور ہائی کورٹ دی منظوری دے بعد تبادلیاں دا نوٹیفکیشن جاری کردتاگیا ۔جس دے مطابق احتساب عدالت دے جج ملک علی ذوالقرنین اعوان دالیہ تبادلہ کیتا گیا ۔سیشن جج محمد سرفراز اختر نوں سرگودھا توں جھنگ تعینات کردتا گیا ،سیشن جج محمد سجاد علی دی ڈائریکٹر جنرل ڈسٹرکٹ جوڈیشری تقرری ہوگئی ۔ نوٹیفکیشن مطابق بینکنگ کورٹ لہور دے جج جاوید اقبال وڑائچ نوں لہورتوں ٹوبہ ٹیک سنگھ تعینات کردتا گیا اے، اوس دے علاوہ ایڈیشنل سیشن جج محمد اسلم پنجوتہ نوںایڈیشنل رجسٹرار پروٹوکول افسر تعینات کردتا اے۔یاد رہے کہ ملک علی ذوالقرنین اعوان رمضان شوگر مل، آشیانہ، عثمان بزدار دے خلاف آمدنی توں وَدھ اثاثے سنے ہورریفرنساں اُتے سماعت کیتی اے۔